YouTube Ads Kya Hai? – Mera Pehla Real Experience

2022 mein maine apna pehla digital course launch kiya: "Digital Marketing Secrets 4.0 Course ." Mere paas laptop nahi tha, sirf ek Vivo smartphone tha. Course ban gaya, lekin sales nahi aayi. Tab maine YouTube Ads ke baare mein suna.

Phir Maine Rahul Manan Ka YouTube Ad Secret Course Kiya . Tab Jake Meine

Google Ads app download kiya, aur ₹200 ka daily budget set karke ek chhoti si video banayi. Video mein maine khud bola, screen record kiya, aur CapCut app se edit kiya. Ad sirf YouTube Shorts ke upar chalaya. Ager Aap Google Ads Ke Pura Jankari Chahiye

Sirf 3 din mein mujhe 48 leads mili, jisme se 7 ne ₹299 ka course purchase kiya. Pehla ad tha, aur result ne mujhe motivate kiya. Mujhe tab samajh aaya ki agar aapke paas smartphone aur knowledge hai to aap digital duniya mein compete kar sakte ho.

Types of YouTube Ads – Ek Client Ke Saath Kaam

Ek local fitness coach mere client the – unka budget kam tha, but visibility chahiye thi. Maine unke liye skippable ads aur bumper ads dono chalaye. Sirf phone se video shoot kiya (natural light mein), Kinemaster se 2 versions banaye: ek 30 sec aur ek 6 sec.

Skippable ad se unko 2x conversions mile, jabki bumper ad sirf brand recall ke liye kaam aaya. Lekin combination strong tha. Total 5 din mein ₹1000 spend hua, aur 3 log gym join kar gaye (monthly ₹1500 fees). Yeh sab sirf smartphone aur sahi ad type selection se possible hua.

Video Ad Banane Ka Tarika – Video Ads Kaise Banaye

Maine apna ek short video ad banaya jisme maine bola: “Agar aap smartphone se kamaana chahte hain, to yeh course aapke liye hai.” Script maine Google Keep app mein likhi, fir front camera se shoot kiya. Editing CapCut app se hui – transitions, music aur text effects ke sath.

Thumbnail Canva app se banayi, aur sab kuch ready karke YouTube pe upload kiya. Phir Google Ads app mein link daal kar ad chalaya. Ad ka response acha tha, kyunki video mein genuine face aur energy thi – smartphone hone ke bawajood quality impressive thi.

Campaign Setup – Step-by-Step Smartphone Se

2023 mein ek affiliate product promote kar raha tha (health niche ka). Campaign setup poora Google Ads app se kiya:

1. Account login
2. New campaign: “Website traffic” select
3. Budget: ₹150/day
4. Video ad select kiya, targeting set ki (Male, Age 25–40, Hindi language, India – tier 2 cities)
5. YouTube video link paste kiya, headline daala: “Fat kam karein ghar baithe!”

Mujhe 6 days mein 80+ clicks mile, jisme se 4 sales convert hui (₹399 commission per sale). Laptop ki zarurat hi nahi padhi. Har raat smartphone se stats check karta tha aur targeting optimize karta tha.

Budget Aur Targeting Settings – Real Testing Experience

Ek baar maine galti se pan-India targeting kar di. ₹300 waste ho gaye aur ek bhi lead nahi aayi. Fir targeting narrow ki:

Language: Hindi
Location: India & Bihar , Jharkhand
Interests: “Work from home,” “Digital marketing Secrets,”
Devices: Mobile only

Sirf ₹100 mein 3 leads aayi. Tab samajh aaya ki kam budget mein bhi ad kaam karta hai, agar targeting sahi ho. Har 2 din baad ad ko pause karke naya test karta tha – yeh habit mujhe smartphone pe hi develop hui. Aaj bhi main har campaign pe 3-4 alag ad sets test karta hoon mobile se.

Bonus: Best Practices + Mistakes – Mera Hard-Learned Lesson

Mistake 1: Pehle ad mein maine CTA nahi diya tha. Sirf video bana ke chala diya, result: 0 leads.
Mistake 2: Video mein background noisy tha, log skip kar gaye.
Lesson: Jab tak video mein “kya fayda milega” aur clear CTA nahi hoga, ad waste jaata hai.

Best Practice: Jab maine selfie mode mein hook diya – “Agar aap ghar baithe kamaana chahte ho…” – us ad ne sabse zyada leads di. Audio clear, face visible, aur 15 sec mein message done.

Ab main hamesha ad chalane se pehle 3 versions banata hoon, aur best performing ko scale karta hoon. Sab kuch phone se.

Aapka koi sawaal hai ya madad chahiye? Niche apna message bhejiye!